الورده الجميله
..............................بقلمي
يا ليلى كنت جوات القلب ...
وينك اليوم صرت عني بعيده
ناطره على دروب المحبة
صوب المحطه البعيده
عم بتغني موالك والله اشتقت لصوتك الحنوني
كلامك عم بذكرني أيام الولدنه
يوم كنت صغيره
رسمتك على شجرة اللوز وهديتك
من بستان بيه ورده بيضه
ومحرمه تتبقي تتذكريني
ليكي والقمر حدنا
كنا نكتب قصتنا الجميله
كبرنا سوا خبيتك بعيوني
كنت ب هالليل رفيقة دربي
وأحلامي السعيده
ع شط البحر أبعتلك مرسال المحبه
مع وردة الشمس المغيبه
بكيت الدمعات .....وينك اليوم ومحرمتك بايدي
سألت صبايا الضيعه وين ليلى؟؟؟؟
شو بها عم تبكي
تبكي بالليل وبنهارها بتحكي للشجر
وين المحبه وين الوفا
سنين ناطره تتجي من هالغربه
وع بكره عرسي
كيف عم بتكون البسمه سعيده
يا ليلى أنا هون حدك وما عاد في غربه
هالأرض هي حياتي
وانت العرس والفرح
وانت الورده الجميله
...................................
بقلمي الأديب رسمي خير
حقوق الملكيه محفوظه
ليست هناك تعليقات:
إرسال تعليق