مذكرات زوجة حزينة
يكتبها / محمد المنسي
9- الثلاثاء 14-2-2015م - الأخيرة .
.. عرضت عليكم فالحلقات السابقة 8 ورقات من دفتر مذكرات زوجتي الفاضلة ..
.. ونويت وانا بعرضها عليكم اني معدلش فيها اي حرف واني انشرها زي ما اتكتبت بالظبط .. بحلوها ، وبمرها ..
.. طبعا هتستغربوا ان المذكرات دي وقعت فايدي واني بنفسي بنشرها عليكم .. وكمان بستني رد فعل كل حد بيقراها ..
.. اد ايه مكنتش مصدق كل حرف وقع فايدي وقريته وعرضته عليكم ..
.. اد ايه مكنتش اتخيل ان حبيبة العمر وشريكة حياتي ممكن انها تشوفني بالصورة الفظيعة ال كتبت بيها سطورها عني ..
.. حقيقي بستغربها ، وبستغرب نفسي قبل كل شيء ..
.. حقيقي اني حزين ، ومن جواية بحاول اكدب عيني واصدق قلبي ان زوجتي لسه بتحبني ..
.. طبعا كانت صدفة ان اشوف مذكراتها واقراها ..
لكن السؤال ال خطر فبالي هو ال شجعني ان كمان انشرها ..
اد ايه كل واحد مننا ممكن انه يكون مقصر جدا فحق زوجته ومش واخد باله ؟!
اد ايه كمان الزوجة ممكن تكون بتظلم زوجها وهي كمان مش واخدة بالها ..
.. مهما اقول .. ومهما اكتب
مش هقدر اعبر عن الاحساس ال بعيشه دلوقت بعد ما قريت كل سطر كتبته عني بخط ايديها ..
.. يمكن بس شريط الذكريات ال بيعدي ادام عيني دلوقت هو ال بيصبرني ويقويني علي الوجع ال بعيشه وهعيشه وهيفضل جوايه ..
وجع الفشل .. او وجع الحب ال بجد ..
.. ممكن اكون اذنبت فعلا لما اتهورت عليها بالضرب ، لكن وقبل ماتحكموا علي .. ممكن تسألوا نفسكم سؤال :
ايه ال ممكن يوصل راجل انه يمد ايديه علي زوجته ؟!
هي كتبت فمذكراتها اني جيت عليها كتير ..
لكنها نسيت تكتب اني كمان صالحتها اكتر ..
واني كمان بكيت فحضنها لما حسيت بذنب ال عملته فحقها ..
زي ما بيقولوا كده الضغط بيولد الانفجار ..
ضغط اتهامها لي المستمر بخيانتها او الاهمال فحقها ..
ضغط الغيرة الشديدة ..
ضغط الرغبة فالتملك ..
ضغط الرغبة فالحب بصفة مستمرة ..
.. وعشان كده كان انفجاري ..
.. وعشان كده كمان كنت بهدي واصالحها واراضيها ..
.. بعد تفكير ..
وبعد طول تدبر فالموضوع ..
.. اكتشفت اني كتير مننا عايشين وهما مش واخدين بالهم انهم السبب الرئيسي فجرح ووجع حد بيحبهم وبيتمني لهم كل خير ..
.. اكتشفت كمان ان كتير مننا لما بينجرحوا بينسوا كل حلو فحياتهم للابد بدون غفران او تسامح ..
.. هي كتبت انها بتحبني ..
وانا بكتب دلوقت اني كمان بحبها ..
هي كتبت ان حياتها من غيري متنفعش علشان ابننا يعيش حياة كريمة ..
وانا بكتب ان حياتي من غيرها متنفعش لانها كل دنيتي .. وكل اهلي .. وكل نفس بيطلع مني ..
هي كتبت مذكرات زوجة حزينة ..
.. وانا بكتب ، اني اسف لحزنها .. اسف اني وصلتها للمرحلة دي ..
الحزن !
- تمت بحمد الله -
الاحداث من وحي خيال المؤلف اشكركم لمتابعتي ..
اسعدني وجودكم بشدة..
محمد المنسي
يكتبها / محمد المنسي
9- الثلاثاء 14-2-2015م - الأخيرة .
.. عرضت عليكم فالحلقات السابقة 8 ورقات من دفتر مذكرات زوجتي الفاضلة ..
.. ونويت وانا بعرضها عليكم اني معدلش فيها اي حرف واني انشرها زي ما اتكتبت بالظبط .. بحلوها ، وبمرها ..
.. طبعا هتستغربوا ان المذكرات دي وقعت فايدي واني بنفسي بنشرها عليكم .. وكمان بستني رد فعل كل حد بيقراها ..
.. اد ايه مكنتش مصدق كل حرف وقع فايدي وقريته وعرضته عليكم ..
.. اد ايه مكنتش اتخيل ان حبيبة العمر وشريكة حياتي ممكن انها تشوفني بالصورة الفظيعة ال كتبت بيها سطورها عني ..
.. حقيقي بستغربها ، وبستغرب نفسي قبل كل شيء ..
.. حقيقي اني حزين ، ومن جواية بحاول اكدب عيني واصدق قلبي ان زوجتي لسه بتحبني ..
.. طبعا كانت صدفة ان اشوف مذكراتها واقراها ..
لكن السؤال ال خطر فبالي هو ال شجعني ان كمان انشرها ..
اد ايه كل واحد مننا ممكن انه يكون مقصر جدا فحق زوجته ومش واخد باله ؟!
اد ايه كمان الزوجة ممكن تكون بتظلم زوجها وهي كمان مش واخدة بالها ..
.. مهما اقول .. ومهما اكتب
مش هقدر اعبر عن الاحساس ال بعيشه دلوقت بعد ما قريت كل سطر كتبته عني بخط ايديها ..
.. يمكن بس شريط الذكريات ال بيعدي ادام عيني دلوقت هو ال بيصبرني ويقويني علي الوجع ال بعيشه وهعيشه وهيفضل جوايه ..
وجع الفشل .. او وجع الحب ال بجد ..
.. ممكن اكون اذنبت فعلا لما اتهورت عليها بالضرب ، لكن وقبل ماتحكموا علي .. ممكن تسألوا نفسكم سؤال :
ايه ال ممكن يوصل راجل انه يمد ايديه علي زوجته ؟!
هي كتبت فمذكراتها اني جيت عليها كتير ..
لكنها نسيت تكتب اني كمان صالحتها اكتر ..
واني كمان بكيت فحضنها لما حسيت بذنب ال عملته فحقها ..
زي ما بيقولوا كده الضغط بيولد الانفجار ..
ضغط اتهامها لي المستمر بخيانتها او الاهمال فحقها ..
ضغط الغيرة الشديدة ..
ضغط الرغبة فالتملك ..
ضغط الرغبة فالحب بصفة مستمرة ..
.. وعشان كده كان انفجاري ..
.. وعشان كده كمان كنت بهدي واصالحها واراضيها ..
.. بعد تفكير ..
وبعد طول تدبر فالموضوع ..
.. اكتشفت اني كتير مننا عايشين وهما مش واخدين بالهم انهم السبب الرئيسي فجرح ووجع حد بيحبهم وبيتمني لهم كل خير ..
.. اكتشفت كمان ان كتير مننا لما بينجرحوا بينسوا كل حلو فحياتهم للابد بدون غفران او تسامح ..
.. هي كتبت انها بتحبني ..
وانا بكتب دلوقت اني كمان بحبها ..
هي كتبت ان حياتها من غيري متنفعش علشان ابننا يعيش حياة كريمة ..
وانا بكتب ان حياتي من غيرها متنفعش لانها كل دنيتي .. وكل اهلي .. وكل نفس بيطلع مني ..
هي كتبت مذكرات زوجة حزينة ..
.. وانا بكتب ، اني اسف لحزنها .. اسف اني وصلتها للمرحلة دي ..
الحزن !
- تمت بحمد الله -
الاحداث من وحي خيال المؤلف اشكركم لمتابعتي ..
اسعدني وجودكم بشدة..
محمد المنسي
ليست هناك تعليقات:
إرسال تعليق